உன்னைக் காண்கிறார் உன்

உன்னைக் காண்கிறார் உன்

கண்ணீர் துடைக்கிறார் - இயேசு

நீ அழ வேண்டாம் அழ வேண்டாம்

அதிசயம் செய்திடுவார் - உன்னை

நோய் நொடியில் வாடுகின்ற

உன்னைக் காண்கிறார்

நொடிப் பொழுது சுகம் தந்து

உன்னைத் தேற்றுவார்

– நீ அழ

கடன் தொல்லையால் கதறுகின்ற

உன்னைக் காண்கிறார்

உடன் இருந்து நடத்திடுவார்

ஒருபோதும் கைவிடார்

– நீ அழ

எதிர்க் காற்றோடு போராட்டமா

உன்னைக் காண்கிறார்

உன் படகில் ஏறுகிறார்

அமைதி தருகிறார்

– நீ அழ

உனக்கெதிரான ஆயுதங்கள்

வாய்க்காதே போகும்

உன்னை எதிர்த்து வழக்காடுவோர்

உன் சார்பில் வருவார்கள் இன்று

– நீ அழ