துதி செய் நீ மனமே துதிகளைப் பாடியே

துதி செய் நீ மனமே துதிகளைப் பாடியே

துதி பெற பாத்திரராம் தூயவர் இயேசுவை

பரலோக மகிமை துறந்தவரே

பாவ இவ்வுலகில் வந்தவரே

பரிசுத்தராகவே வாழ்ந்தவரே

பாவியை மீட்கவே வந்தவரே

– துதி செய்

கருணையின் உள்ளம் படைத்தவரே

குற்றங்கள் யாவையும் சுமந்தவரே

குருசினில் எனக்காய் மரித்தவரே

குருதியை சிந்தியே மீட்டவரே

– துதி செய்

இயேசுவையன்றி வேறொருவர்

காசினில் உண்டோ சொல் மனமே

நேசரின் அன்பை என்றும் உணர்ந்து

தாசரும் அவர் பாதத்தில் விழுந்து

– துதி செய்

மானிடர் எல்லாம் விட்டோடிடினும்

மாசற்ற தேவன் நம்மோடிருப்பார்

ஆர்ப்பரித்தே என்றுமே மகிழ்வேன்

ஆண்டாண்டு காலம் நம்மை காப்பதால்

– துதி செய்

நேசரின் மார்பினில் சார்ந்திடுவேன்

நேசத்தால் நம்மை நிரப்பிடுவார்

நாசம் என்றும் நம்மை அணுகாமலே

ஆதரித்து என்றும் காத்திடுவார்

– துதி செய்

நேசரின் வருகை நெருங்கிடுதே

நாச லோகை விட்டு சென்றிடுவேன்

எக்காள சத்தம் தொனித்திடுமே

மத்திய ஆகாயத்தை சேருவோம்

– துதி செய்