துள்ளுதையா, உம் நாமம் சொல்லச் சொல்ல

துள்ளுதையா, உம் நாமம் சொல்லச் சொல்ல

துதித்து துதித்து தினம் மகிழ்ந்து

மகிழ்ந்து மனம் துள்ளுதையா

அன்பு பெருகுதையா – என்

அப்பாவின் நிழல்தனிலே

அபிஷேகம் வளருதையா

எபிநேசர் பார்வையிலே

– துள்ளுதையா

உள்ளங்கள் மகிழுதையா

உம்மோடு இருக்கையிலே

பள்ளங்கள் நிரம்புதையா

பாடித் துதிக்கையிலே

நம்பிக்கை வளருதையா

நாதா உம் பாத்த்திலே

நன்மைகள் பெருகுதையா

நாள்தோறும் துதிக்கையிலே

– துள்ளுதையா

நோய்கள் நீங்குதையா – உம்மை

நோக்கிப் பார்க்கையிலே

பேய்கள் அலறுதையா

பெரியவர் நாமத்திலே

– துள்ளுதையா

கண்ணீர்கள் மறையுதையா

கர்த்தர் உம் சமூகத்திலே

காயங்கள் ஆறுதையா

கருத்தோடு துதிக்கையிலே

– துள்ளுதையா