தங்கமணி மாளிகையில் இயேசு பிறக்கவில்லை

தங்கமணி மாளிகையில்

இயேசு பிறக்கவில்லை

யூத சிங்கம் இயேசு

தொழுவத்திலே வந்து பிறந்தாரே

தாலாட்டு பாட அங்கு தாதியர் இல்லை

தேவ தூதர் எல்லாம்

பாடியதே தாலாட்டு

ஆராரோ ஆரிரரோ……

ஆரிரரோ ஆரிரரோ

ஆரிரரோ ஆராரோ - 2

சத்தியத்தின் நாயகனாம்

நம் தேவ பிள்ளை அங்கு

சத்திரத்தில் தலை

சாய்க்க இடமுமில்லை

உத்தமராம் கர்த்தர்

இயேசு பாலனுக்கு அங்கு

பெத்லேகேமில் உடுத்தி நிற்க

உடையுமில்லை

– தாலாட்டு பாட

மீட்பவராக பிறந்தவரை

பார்ப்பதற்கு தேவ

தூதர் சென்று சேதி

சொன்னார் மேய்பருக்கு

மன்னருக்கும் மந்திரிக்கும்

அழைப்பு இல்லை மந்தை

மேய்ப்பர்களோ அங்கு

வந்து வாழ்த்துகிறார் –

– தாலாட்டு