ரோஜாப்பூ வாசமலர்கள் நாம் இப்போ

ரோஜாப்பூ வாசமலர்கள் நாம் இப்போ

நேச மணாளன் மேல் தூவிடுவோம்

மல்லிகை முல்லை சிவந்தி பிச்சி

மெல்லிய சேர்ந்து அள்ளியே வீசி

நல் மணவாளன் நேசிக்க

எல்லா மலரையும் தூவிடுவோம்

– ரோஜாப்பூ

மன்னனாம் மாப்பிள்ளை பண்புள்ள

பெண்ணுடன் அன்பிலும் பேர்பெற்று

ஒன்றித்துவாழ ஆண்டவர் ஆசீர்வதிக்க

வேண்டுதலோடு தூவிடுவோம்

– ரோஜாப்பூ

புத்திர பாக்கியம் புகழுடன் வாழ்வும்

சத்தியம் சாந்தம் சுத்த நல் இதயம்

நித்திய ஜீவனும் பெற்றிவரென்றும்

பக்தியாய் வாழ்ந்திட தூவிடுவோம்

– ரோஜாப்பூ

கறை திரையற்ற மணவாட்டி சபையை

இறைவனாம் இயேசு தன்னுடன் சேர்க்கும்

மங்கள நாளை எண்ணியே

இந்த மணாளன் மேல் தூவிடுவோம்

– ரோஜாப்பூ