ராஜரீக கெம்பீர தொனியோடே

ராஜரீக கெம்பீர தொனியோடே

ராஜ ராஜனை தேவ தேவனை

வெற்றியோடு பாடி பக்தியோடு நாடி

வீர சேனைக் கூட்டமாக சேவிப்போம்

மெய் சீஷராக இயேசுவின் பின் செல்லுவோம்

முற்றும் முடிய வெற்றியடைய – சற்றும்

அஞ்சிடாமல் இயேசு நாமத்தில் – சாத்தானை

தோற்கடித்து மேற்கொள்ளுவோம்

சூலமித்தி இரண்டு சேனைக் கொப்பாய்

சூரியனைப் போல் சந்திரனைப் போல்

கொடிகள் பறக்க சாட்சிகள் சிறக்க

கீதம் பாடி ஜெயம் பெற்று செல்கின்றாள்

– மெய் சீஷராக

செங்கடல் நடுவிலே நடத்தினார்

எங்கள் ஆண்டவர் சர்வ வல்லவர்

கடலைப் பிளந்து நதியைப் பிரித்து

காய்ந்து நிற்கும் பூமியில் நடத்துவார்

– மெய் சீஷராக

தாவீதை விரட்டிடும் சவுல் கைகள்

தளர்ந்திடவே அடங்கிடவே

பிலேயாமின் சாபம் பறந்தோடிப் போகும்

பரிசுத்தவான்களே கெம்பீரப்போம்

– மெய் சீஷராக

பரலோக வாசிகள் சுதேசிகள்

பரதேசிகள் சில சீஷர்கள்

பின் திரும்பிடாமல் விட்டதைத் தொடாமல்

பற்றும் விசுவாசத்தோடு முன் செல்வோம்

– மெய் சீஷராக

ஜெபமே எமது அஸ்திபாரமே

ஜெபமின்றியே ஜெயமில்லையே – ஆவியில்

ஜெபிப்போம் அற்புதங்கள் காண்போம்

ஆச்சிரியமாகவே நடத்துவார்

– மெய் சீஷராக

குணசாலிகள் கூடார வாசிகள்

கூட்டமாகவே கூடச் சேரவே

மணவாளனை நம் மன்னன் இயேசுவை தம்

மங்கள சுபதினம் கண்ணால் காண்போம்

– மெய் சீஷராக