ஒருவரும் கிரியை செய்யக்கூடாத இராக்காலம்

ஒருவரும் கிரியை செய்யக்கூடாத இராக்காலம்

பார்வோனின் இருதய கடினம் போன்ற கற்காலம்

வருகின்ற காலம் இயேசு ராஜனின் பொற்காலம்

அவர் வருகிற நாளை

எதிர்ப்பார்த்திடுவோம் இக்காலம்

இராக்காலம் … இது இராக்காலம்

பொற்காலம் …. வருகுது பொற்காலம்

காலங்கள் கர்த்தரின் கரத்தில் இருக்குது

இந்த ஞாலம் தேவனை மறந்து கிடக்குது

ஏன் இந்த கோலம் மாறுமே உலகம்

இயேசு ராஜாவை அறிகின்ற காலம்

உள்ளம் ஏங்குது கண்ணீர் வடிக்குது

– இது இராக்காலம்

உலகம் நம்மை அசைக்க பார்க்குது

பல கலகங்கள் மூட்டி அழிக்க நினைக்குது

நாசமோ மோசமோ உயர்வோ தாழ்வோ

வறுமையோ வியாதியோ பசியோ பட்டினியோ

அன்பை பிரிக்குமோ தேவ உறவை பிரிக்குமோ

– இது இராக்காலம்

இயேசுவின் வருகை மிகவும் சமீபமே

ஆயத்தமுள்ளோர் பரலோகம் நிச்சயமே

மரணத்தை வென்றவர் மகிமையில் உதித்தவர்

சாத்தானின் சேனையை நொடியில் ஜெயித்தவர்

சீக்கிரம் வருகிறார் தேவ மகிமையில் சேர்கிறார்

– இது இராக்காலம்

வருகிறார் இயேசு வருகிறார்

நியாயாதிபதியாக இயேசு வருகிறார்

இராஜாதி இராஜாவாய்

இயேசு வருகிறார் ! வருகிறார்

இயேசு வருகிறார் ! வருகிறார்