ஓ! இயேசு உமதன்பு

ஓ! இயேசு உமதன்பு

எத்தனை பெரியது

ஆகாயம் பூமி மலை

ஆழிகளுக்கெல்லாம் பெரியது (2)

அளவில்லா ஆனந்தத்தால் அகம் நிறைந்தது

ஆண்டவர் காரியங்கள் அதிகம் சிறந்தது

அன்றாடம் காலை மாலைகளிலும்

துதிக்க உயர்ந்தது

துதிக்க உயர்ந்தது (2)

– ஓ! இயேசு

சங்கட சமயங்களில் மங்கியே வாடுகிறேன்

துங்கனே இரங்குமென ஏங்கியே நாடுகிறேன்

பங்கமில்லாமல் பதிலளிப்பேன்

என்றதால் பாடுகிறேன் (2)

என்றதால் பாடுகிறேன்

– ஓ! இயேசு

இருளாம் பள்ளத்தாக்கில் மருகியே நடந்தாலும்

அருமெந்தன் மேய்ப்பராய் அருகிலிருப்பதாலும்

கருணையா யென்னைக் கரம் பிடித்தே

கர்த்தரே காப்பதாலும்

கர்த்தரே காப்பதாலும்(2)

– ஓ! இயேசு

குறைவுள்ளோனானாலும் கூடவே இருக்கிறீர்

நிறைவாம் புல் தரையில் மெதுவாக நடத்துகிறீர்

இறைவனாம் இயேசு எல்லாவற்றிலும்

திருப்தியாக்குகிறீர் (2)

திருப்தியாக்குகிறீர்

– ஓ! இயேசு

தேவனுடைய வீட்டில் சித்தப்படி துதிப்பேன்

ஏக இதயத்துடனே என்றும் அதை மதிப்பேன்

ஆராதிக்க அருகராம் இயேசு

என்றதால் பாடுகிறேன்

என்றதால் பாடுகிறேன்

– ஓ! இயேசு