நிர்மூலமாகாதிருப்பது உந்தன் மா கிருபை

நிர்மூலமாகாதிருப்பது உந்தன் மா கிருபை

முடிவே இல்லாதது உந்தன் மனதுருக்கம் – நான்

கிருபை கிருபை மாறாத கிருபை

கிருபையினாலே இரட்சித்தீரே

நீதிமானாக மாற்றினீரே

உயிர்த்தெழச செய்தீர் கிறிஸ்துவோடே கூட

உன்னதங்களிலே அமரச் செய்தீர்

– கிருபை

கிருபையின் மகிமைக்கு புகழ்ச்சியாக

சொந்த பிள்ளையாய் முன்குறித்தீரே

பரிசுத்த இரத்தத்தால் மீட்பளித்தீரே

பாவம் அனைத்தையும் மன்னித்தீரே

– கிருபை

தேவனின் பலத்த சத்துவத்தாலே

நற்செய்தி அறிவிக்கும் திருத்தொண்டனானேன்

கிறிஸ்து இயேசுவின் அளவற்ற செல்வத்தை

அறிவிக்கின்றேன் நான் கிருபையினால்

– கிருபை

ஜீவனைப் பார்க்கிலும் மேலானது

உந்தன் கிருபை மேலானது

அழிவில்லா அன்புடன் அன்பு கூர்ந்தேன்

ஆர்வமாய் இன்னும் அன்பு கூர்வேன்

– கிருபை

காலைதோறும் புதியது

உந்தன் கிருபை புதியது

காத்திருப்பேன் உம் பாதத்தில்

களிகூர்வேன் உம் கிருபையில்

– கிருபை

இயேசுவை அறிகிற அறிவினாலே

அமைதியும் கிருபையும் பெருகிடுதே

நம்பிக்கை வளர்ந்தால் கிருபை வளரும்

நாளும் பொழுதும் சூழ்ந்துகொள்ளும்

– கிருபை

தாயின் வயிற்றில் இருந்தபோதே

பிரித்தெடுத்தீரே, அழைத்தீரே

ஆவியை அளித்து, அற்புதம் செய்து

ஆசீர்வதித்தீர் அதிசயம் செய்தீர்

– கிருபை