கட்டிப் பிடித்தேன் உந்தன் பாதத்தை

கட்டிப் பிடித்தேன் உந்தன் பாதத்தை

கண்ணீரால் நனைக்கின்றேன் கர்த்தாவே

இலங்கையிலே யுத்தங்கள் ஓய வேண்டுமே

இளைஞரெல்லாம் இயேசுவுக்காய்

வாழ வேண்டுமே

இரங்கும் ஐயா மனம்

இரங்குமையா

இரங்கும் ஐயா மனம்

இரங்குமையா

துப்பாக்கி ஏந்தும் கைகள் – உம்

வேதம் ஏந்த வேண்டும்

தப்பாமல் உம் விருப்பம்

எப்போதும் செய்ய வேண்டும்

– இரங்கும்

பழிக்கு பழி வாங்கும்

பகைமை ஒழிய வேண்டும்

மன்னிக்கும் மனப்பான்மை

தேசத்தில் மலர வேண்டும்

– இரங்கும்

பிரிந்த குடும்பமெல்லாம்

மறுபடி இணைய வேண்டும்

பெற்றோரின் கண்ணீர் எல்லாம்

களிப்பாய் மாற வேண்டும்

– இரங்கும்