கறைகள் நீங்கிட கைகள் கழுவி

கறைகள் நீங்கிட கைகள் கழுவி (என்)

கர்த்தரைத் துதிக்கின்றேன்

பலிபீடத்தைச் சுற்றிச் சுற்றி நான்

வலம் வருகின்றேன்

கர்த்தாவே உம் பேரன்பு,

எப்போதும் என் கண் முன்னே

வார்த்தையின் வெளிச்சத்தில்

வாழ அர்ப்பணித்தேன் – உம்

ஆராதனை ஆராதனை

ஆயுள் எல்லாம் ஆராதனை

அன்புகூர்ந்தேன் ஆர்வமுடன்

அர்ப்பணித்தேன் ஆயுள் எல்லாம்

அறுவடையின் எஜமானனே,

அரணான (என்) அடைக்கலமே

அல்பாவும் ஒமேகாவும்

தொடக்கமும் முடிவும் நீரே

– ஆராதனை

இரக்கங்களின் தகப்பனே

இளவயதின் வழிகாட்டியே

ஜீவிக்கின்ற மெய்தேவனே,

ஜீவனின் அதிபதியே

– ஆராதனை

நித்தியானந்த சக்ராதிபதி

நீர் ஒருவரே மாவேந்தர்

அரசர்க்கெல்லாம் அரசர் நீர்,

பேரின்பக் கர்த்தர் நீரே

– ஆராதனை

மகா மகா நீதிபரர்,

மகத்துவங்கள் நிறைந்தவர்

மீட்பளிக்கும் வல்லமையே

சாவாமை உள்ளவரே

– ஆராதனை

எல்லாருக்கும் நீதிபதி

சர்வத்தையும் உருவாக்கினீர்

சகல கிருபையும் நிறைந்தவர்

சத்தியமானவரே

– ஆராதனை

உண்மையுள்ள சிருஷ்டி கர்த்தர்,

நன்மைகளின் பிறப்பிடமே

யோனாவிலும் பெரியவரே

பிரதான மேய்ப்பர் நீரே

– ஆராதனை