காணாத ஆட்டின் பின்னே

காணாத ஆட்டின் பின்னே

கர்த்தர் கண்ணீருடன் அலைந்தார்

அன்போடு உன்னை அழைக்கின்றாரே

இன்றே திரும்பி நீ வா

முள்ளும் புதரும் காடும் மலையும்

உள்ளம் உடைந்தேசு தேடுகின்றார்

சிற்றின்ப சேற்றினில் சிக்கினதால்

சாத்தான் வலையில் நீ சிறையாகினாய்

– காணாத

சுத்த இதயம் வேண்டாம் என்றெண்ணி

கர்த்தரின் அன்பை நீ சந்தேகித்தாய்

யோனாவைப் போல நீ போனாயல்லோ

இயேசு பரன் வாக்கு வெறுதாயல்லோ

– காணாத

என்னென்ன துன்பம் தொல்லைகள் வந்தும்

இயேசுவின் பாதை நீ விட்டோடாதே

நீதி நிறைந்த தம் கரங்களை

நீட்டி உன்னை தாங்கி பயம் நீக்குவார்

– காணாத

துன்மார்க்கரெல்லாம் சன்மார்க்கரோடே

தேவ கோபாக்கினையால் மாள்வாரே

கர்த்தரின் பந்தியில் பங்கடைய

கண்ணீருடன் நீயும் அருள் வேண்டுவாய்

– காணாத

எத்தனை நேரம் உன்னை அழைத்தார்

இத்தனை காலம் நீ தள்ளலாமோ

கர்த்தரின் சித்தம் உம் வேளையிதே

கண்டு உணர்ந்து விரைந்தே நீ வா

– காணாத