ஜெபிக்க… ஜெபிக்க… மனம்

ஜெபிக்க… ஜெபிக்க… மனம்

புத்தம் புதிய இருதயமாய் மாறும்

துதிக்க.. துதிக்க.. மனபாரம் நீங்கி

நம் துக்கமெல்லாம் தீரும்

கவலையெல்லாம் நீங்கும்

கண்ணீரெல்லாம் மறையும்

கழுகு போலப் புதுபெலன் அடைந்து

நம்மை பெலவானாய் மாற்றும்

இடைவிடா ஜெபத்தினால் – பெரும்

தடைகளைத் தகர்த்திடலாம் – நாம்

கருத்துடன் ஜெபிப்பதினால் – நம்

கண்ணீரைத் துடைத்திடலாம்

ஊக்கமான ஜெபம் ஏக்கங்கள் தீர்க்கும்

வெற்றியைத் தந்திடும்

புது மனிதனாக்கி நல் கிருபைகளை தந்து

மகிமையில் சேர்த்திடும்

பெலவானாய் மாற்றிடும் சுகமதைத் தந்திடும்

– ஜெபிக்க

ஜெபத்தின் வல்லமையால்

நாம் சாத்தானை வென்றிடலாம்

துதியின் வல்லமையால்

பெரும் சதிகளை முறித்திடலாம்

ஜெபிக்கிற மனிதன் வெற்றியைப் பெறுவான்

தோல்விக்கு அஞ்சிடான்

கரடு முரடான வாழ்வைக் கூட

இலகுவாய்க் கடந்திடுவான்

கலங்கி நின்றிடான் கர்த்தரை மறந்திடான்

– ஜெபிக்க

வேதம் சத்தியம் நமக்கு

விடுதலை நிச்சயம்

ஆவியின் பாடல்கள் நம்மை

ஆற்றித் தேற்றிடும்

கட்டுகள் உடைக்கும் கவலைகள் தீர்க்கும்

கண்ணீரைத் துடைத்திடும்

நித்திய சத்திய சுத்த மகத்துவ

வழிதனைக் காட்டிடும்

வேதமே தீபம் ஜெபமே ஜெயம்

– ஜெபிக்க