என் தேவனே என் இயேசுவே

என் தேவனே என் இயேசுவே – 2

நீர் வருகிற நாள் தான்

எதுவோ என்று ஏங்கும் இந்த

ஏழை மகனி(ளி)ன்

கண்ணீரைத் துடைக்க வாரும்

– என் தேவனே

மனிதனிடம் நான் செல்லவில்லை

மனபாரம் ஒன்றையும் சொல்லவில்லை

மன்னவா உம் பாதம் ஓடி வந்தேன்

மனபாரம் யாவையும் இறக்கி வைத்தேன்

– என் தேவனே

அழவும் முடியவில்லை

அழாமலும் முடியவில்லை

ஊமைக் கண்ணீர் சிந்தி நான் கலங்குகிறேன் – 2

துக்கமும் தீரவில்லை தூக்கமும் வரவில்லை

பெருமூச்சுவிட்டு நான் ஏங்குகிறேன்

– என் தேவனே

உமது முகத்தை மறையாதேயும்

உம் சமூகம் விட்டு என்னை தள்ளாதிரும் – 2

சீக்கிரம் வருவேன் என்றுரைத்த உம்

வாக்குகளால் கண்கள் பூத்துப் போகுதே

– என் தேவனே