அன்பே மாறிடா திரு அன்பே

அன்பே மாறிடா திரு அன்பே

என்னை தாங்கிடும் தேவ அன்பே

மாளும் வேளை எனையும்

தேடின அன்பே

மயக்கின அன்பே அணைத்த பேரன்பே

வாழ்த்துவேன் துதியுமக்கே..

– அன்பே

பாதுகாத்தீர் அரசே

இதுவரை எனையும்

பயங்கர துன்பம் பெருகி வந்தாலும்

தாங்கினீர் அன்பினாலே..

– அன்பே

சோரும் போதும் எனக்கும்

உம் திரு முகம் காட்டி

சொல்தவறாது சொந்தம் பாராட்டி

ஜொலித்திட ஜெயமளித்தீர்…

– அன்பே

ஆழம் நீளம் உயரம்

அன்பதின் அகலம்

அறிந்திடற்காயோ அழைத்தீரென்

அன்பே ஆச்சரியமே களிப்பேன்…

– அன்பே

வானம் பூமியகலும்

அன்பது நிலைக்கும்

வார்த்தையினாலே வரைந்திடலாமோ

வானவர் அன்பதையே…

– அன்பே

பொங்குதே என்னிதயம்

புது ரசத்தாலே

போற்றுவேன் நாதா யாதொன்று மியலேன்

ஸ்தோத்திரம் ஸ்தோத்திரம்…

– அன்பே