ஆராய்ந்து பாரும் தேவனே

ஆராய்ந்து பாரும் தேவனே

என்னை நீர் அறிவீர்

புதிதும் ஜீவனுமான பாதையில்

ஓடச் செய்யும்

உம் வார்த்தை கேட்டிடாமல்

குற்றங்கள் பல செய்தேன்

கர்த்தாவே அவற்றை காணத்தக்கதாய்

என்னிலே வெளிச்சம் காட்டிடுமே

– ஆராய்ந்து

மார்த்தாளைப் போலிருந்தேன்

வீணாக உழைத்திட்டேன் நான்

தேவை ஒன்றே அதை நான் அறிந்தேன்

பாதத்தில் இருக்க கற்றுக்கொண்டேன்

– ஆராய்ந்து

வீண் வார்த்தை என் வாயினால்

நினைக்காமல் பேசுகின்றேன்

என் வாய்க்கு காவல் இன்றே நீர் வையும்

என் தூய வாழ்வை காத்துக்கொள்ள

– ஆராய்ந்து

உம் தூய ஆவியாலே

துர் ஆசை நீங்கச்செய்யும்

உண்மை மனசாட்சி என்னில் உண்டாக

உணர்வுள்ள இதயத்தை தந்தருளும்

– ஆராய்ந்து

சுயம் என்னில் சாக வேண்டும்

நீர் என்னில் பெருக வேண்டும்

என் சித்தம் விரும்பேன என்னையே பலியாய்

தந்தேன் உம் சேவை செய்திடவே!

– ஆராய்ந்து